خطــاوي

                                                       مشيت معاك كل الخطاوي الممكنة وبقدرعليها وبأعرفا ،،

أفتش ليك ..
ملتق بي فرح جيتك ..
فوق فرسا قوي و جــراي  ..
اشد حبة ..أزيد السرعة ..
يسبقي ليك مداي ..
تطير اطرافي سحاب ..

أسافر ليك .. يصافح سماك سماي ..

خطواتي تهديك من دربي سلام ..

ينفتح دفتر الأحلام ..

تعانق رؤاك رؤاي ..

ما بسيبك ..

في الدروب أفتش ليك .. وماني براي ..

معاي ناساً كتار بالحيل ..

زولا سمح ..الولد المطر ..
معاي فنجاني وبلة ريق ..
معاي أشواقي ومعاهـا دعاي ..
أقيف أغني في الساحات ..
أنادي لي السمحـات ..
أعزف ليك حنين النـاي .. 
وين ما تروحي تلقيني قدامك ..
بهجة فرح وراهـا ضحكة شاي ..
ألاقيك في زمن ندي وطربان ..
نملا طرفنا ريد وحنان ..
نطير فوق فروع الريد..كنارغناي ..
ليك غالي الكلام شاشاي ..
ليك شوقي ومعاني غناي ..
ليك فرسي وكمان سرجي ومعاهو عصاي ..